Pathian hi nitin na nunnak ah zei bantuk Pathian dah a si?

Nifatin kan nunnak ah Pathian hi a ho dah a si? Hi biahal nak hi tuchan zumtu nih kan i hal a herh cang.

Zeicatiah zumtu ai ti mi hna nih ka awka cun Pathian cu kan Pathian A kan ngei dihtu ko a lo nain kan nunnak taktak ah a rak si ve ti lo. Mah cucu kan nunnak theitlaiin zoh khawh le theih khawh mi a si.

Jesuh Khrih zultu pawl nih zeitindah nal prophet le cawnpiaktu tthalo cu kan theih khawh lai tiah Jesuh an hal tikah a leh mi hna cu “an theitlaiin nan theih khawh ko hna lai” tiah a leh hna. Kan ka men hi Pathian mifa kan sinak tette a si dih lo. Lungchung in a rak chuak i kan nunnak ah a par a chuak me le a thei a tlaimi tu khi kan sinak taktak a rak si deuh. Zeithei dah na tlai ve? mah cucu fiang tein nangmah lawng nih na theih mi a si.

Na Caah Pathian hi ho dah a si? na sitthat caan ah philh in lungretheih caan i thlacam hnawh men ding maw a si? Asiloah na duh mi poh na tuah bu in na thangtthat i na conglawmh mi le thil tthalo in na hmuh mi phaisa chung in cheuhra cheukhat ka pek ah cun, A ram kauhnak ding caah ka pek ah cun a ruahzia thiam ko lai ti hrawng i na ruah mi Pathian dah a si. A biapi taktak…

Mi nih in hleng hna hlahseh, an i fak ruang ah le an i bochan ruangah khan i lunghmuih tuk hlah, Pathian nih ka theitlai hi a ei duh nga maw? timi tu na ruah awk a si deuh. Facebook ah na ca post mi mitampi nih Like le share an tuah ruangah i lawmtuk hlah… Na theih awk ah “facebook hmangtuk mi mipi tampi lak ah an nunnak ah Pathian hi a ho dah si timi hmanh ai fiang lo mi an tampi ti hi a si”. Na lungchung in a chuak mi theitlai kha Pathian nih a cohlan mi a si hrim ko timi na theih nak tu ah khan i lawm deuh. Hnangamnak taktak na ngei maw? Pathian bia na rel nak, thlacam nak le na nun ah Pathian hi a hodah a si timi fiannak lawng nih na thlarua a tthawnter lai.

Kan nun ah Pathian hi a ho dah a si? timi lehnak cu “Bawi A Si”. A tenau deuh maw, si cun “A kan Sertu A Si” tiin ti u sih. Pathian nih sermi na si kha philh hlah. Mah hi a lehnak tawibik sisehlaw…fianter hau lo in a fiang mi a si ko cang. In hal tthan rih ning na nunnak ah Pathian hi Ho dah si? Na chiattha thleidannak nih a lehnak in pe hram seh..

Thazangpeknak le Nifatin thlarau rawl rel na duh ahcun “Nifatin Thlaraurawl” ah hin hmet law na rel khawh lai

Na minung sinak kha mawh phurh hlah

Mitampi cu kan zumhnak in kan tlu i kan minung sinak mawh phurh kan hmang.

David nih a titsa duhnak in mi nupi a ih pi mi cu Pathian nih a zoh sawh lo, a let in a cung ah a tlun ter lehlam. Zumtu pakhat dirhmun in kan tuah mi tthatlo nak ruang ah ka minung taksa duh nak ruang ah a si kan ti awk a si lo.

Kha ti kan chim nak ruangah Pathian nih a kan ngaithiam lai lo. Zeicahtiah zumtu cu kan mah ah Thiang Thlarau pek kan si cang. Kan tuah mi le ruah mi vialte rel piak kan si cang.

Cun Thlarau thei tlai ding in Pathian nih a kan phut cang fawn…. “22 Sihmanhsehlaw thlarau theitlai hna cu dawtnak, lawmhnak, daihnak, lungsaunak, zaangfahnak, òhatnak, zumhtlak sinak, 23 nunnemnak, i sumnak te hna an si. Cu hna ralchan cun zei phung hmanh an um lo. 24 Khrih ta a simi hna nih cun an thisa diriamhnak le duhnak te hna cu vailam ah an tahchih cang,” Galati 5:22-24.

Mah hi Baibal ah hin a fiang tuk mi a si. Cucaah kan minung si nak cu a der mi pei si cu tiin na zumhnak in tluk i tim hlah. Cu ti ruahnak na ngeih ahcun na palh taktak. Tukforh hau lo in na tlu ti nak si hnga.

Asinain tukforhnak kong ah Jesuh nih cun “ttih hlah uh chuahnak lam kan sial piak hna lai” tiah a ti. Tukforhnak kan in tik ah chuahnak lam a um zungzal…Amen. Kan mah ah Thlarau kan cawm tthat lo ruang ah kan minung sinak a chuak lengmang tawn.

Zumtu dirhmun in “ka minung sinak cu a der tuk mi si i” tiah kan minung sinak mawh phurh in a tlu mi si ti hlah u sih…Zeicatiah kan tukforhnak chung ah kan tluk nakhnga lo Bawipa Jesuh nih lam a kan sial piak zungzal ko…

Jesuh Khrih a thih ah khan a Thlarua teh a thi chih maw?

Vawlei cung mifim thiam tampi hna hi thil ttha an chuah ter bantuk in thil duh nung lo taktak pawl zong an chuah ter ve. Tutan ah Jesuh Khrih a thihnak kong a buai mi tampi an um rih, cu hna nih cun an minung thluak in an tuak tik ah an lehnak hmuh an i harh ngaingai ca ah a phunphun in an ruahnak an chim.

Asinain cu an ruahnak pawl cu Baibal ah ai tthum mi si lo in an thluak fimnak cung ah ai tthum mi an si, thil khi kap nih in an tuak peng, kha ti a si ah cun hi ti a si awk si ve ti phun khin, minung hmuhnak ah cun hi bantuk in thil tuak hmang pawl hi an hruh tuk ruang ah si loin, an fim tuk ruang tu ah khua fak piin an ruah khawh caah a si men hnga.

Tulio ah vawlei cung hmuntampi ah Jesuh Khrih a thih ah khan a taksa he a Thlarau he a thi tiah mi a cawnpiak tu an tam. Cu hna cu Baibal biatak a zumtu hna nih biatak tein an doh hna. Tutan zong ah hin mi pakhat nih a ttial mi ka van langhter chin ve.
Hi adik lo mi cawnpiak nak a cawn piak tu hna hi Theology lei ah thiamsang lawng te an si hna lai tiah ka zumh, zeicahtiah hi an chim mi nih mipi tampi an mah lei ah a ttan ter khawh hna.

An chim mi cu “Jesuh Khrih nih misual a tlanh khawh nakhnga a taksa nunnak lawng si loin a Thlarua nunnak zong a pek chih caah, Vailamtah cung ah khan a taksa lawng a thi lo, a Thlarua zong a thi chih ee” tiah an chim. Cun an i thawh rih i “Cu tluk in a ngan mi duhdawtnak in Jesuh Khrih nih hin nang le kei hi a ka dawt, mah cu a dawtnak cu a ruang um lo mi duhdawtnak (unconditional love) a si” tiah mipi cu tui taktak in an chimh rih hna. Si..Jesuh Kha misual si in Pathian Thlarau he i tthen hna sehlaw zeitin dah a sual tuk mi minung cu a tlanh khawh hna hnga. “Dotla le soisel nak um lo mi Tuu thisen bantuk a si mi Khrih thisen in tlanh mi nan si kha nan hngalh” tiin 1Peter 1:19 ah kan hmuh khawh, cucaah thil si kho lo an chim timi ai fiang. Misual nih misual a tlanh kho lo.

Sihmanhsehlaw hi ti cawnpiaknak cu a dik lo tuk lawmmam mi a si. An nih an chim ning ah cun Thihnak nih hin Pathian sin in kan tthen kho sehlaw cu ko cu a lo. Cucaah Jesuh Khrih cu Pathian he an i tthen taktak tinak a si cu. Thumkawmh Pathian lak ah a pahnih nak a si mi Pathian Jesuh Khrih kha Thlarua in Pa Pathian he i tthen hna sehlaw zeidah a cang hnga, hi vawlei le van hi a rawk dih hnga, a si kho lo tuk mi khi a si. Cun Pathian pakhat kha hmun dang dang ah thleh dih i chiah khi a lo hnga.

Hebrews 10:5-10 ah fiang tuk in a langh mi cu “thian ter kan si nak cu Jesuh Khrih nih a thianghlim mi a taksa cu kan ca raithawinak a pek caah a si” ti hi a si. Tuufano raithawinak i an pek bang Jesuh Khrih zong Pathian hmai ah pek a si.

A taksa a thih i a thawh tthan hlan ah khan A Thlarua cu Hell ah kal in Noah chan lio minung hna sin phun a va chim (1Pet. 3:18-20). A Thlarua cu a thih zong a thi lo i Pathian he a tthen zong an i tthen lo.

Zumtu tampi cu Thlarau rawl tam kan ei lo tik ah Baibal lunghrinhnak phun phun a chuak ve tawn, cucaah hi bantuk in Jesuh Khrih thih nak kong ah Lunghrinhnak a ngei tu zong Myanmar ram chung ah an um ve cang hmanh maw, cucaah kan iralrin thiam nak ding ca ah tthahnem hnga maw tiin ka van share nak si..

Ref:cbn

Khawi ah dah Na lungthin a um?

Khawi ah dah Na lungthin a um?

Kan nun cio ah buainak le lungtlin khawh lo nak cu kan ngei cio hna lai tiah ka zumh. Mah cucu a hohmanh nih kan hrial khawh lo mi hna an si. Nifatin kan nun hi ruah ah cun khuruah har za a si.

Zeitindah kan cawlcangh i khua kan sak timi hi kan ruat tawn lo. Kan dam i rian kan ttuan i,,cu ticun nifatin kan caan kan hmang hna. Sihmanhsehlaw mah vialte hi ratnak hmun an ngei timi cu kan ruat bal lo, amah tein thil a rak cang mi ah kan ruat tawn. Kan ruahnak hrimhrim hi nifatin kan hmuh tawn mi nih a khuh dih tawn. Asinain kan nun le kan caan dihlak a ngeitu Pathian cu kan sut tung pakhatnak a si bal lo. Kan sut tung kan phak khawhnak hnga caah bawmtu men ah kan ruah i heh tiah bawmh kan hal. Zuamcawhtu nganbik cu phaisa kong he pehtlaiin a si. Zeitindah phaisa kan kawl timi ah hin kan lung hi a um bik.

Mathai chung ah Jesuh Khrih nih nan chaw umnak ah nan lungthin a um tiah a kan chimh. Khah kan mah cio i zoh tthan hna usih...tu ah khan khuazei ah dah na lungthin a um? Mipakhat nih a tuahttuan mi zohnak in alungthin umnak hmun cu ai fiang bik ko rua ka ti. Vancung ah ro ai khawntu missionary tampi cu an ro khawnnak vancung ah an lungthin zong a rak um taktak. mah nihhin a ka challenge taktak. Zumtu thlarau mi ai timi pawl nih kan chaw kan i khawnnak cu ai fiang tuk cang. Vancung cu chim hlah, van rim hmanh a nam lo. Kan tuah ttuan mi thil cu vawlei cung tthatnak ca men lawng a si lio ah zeitindah vancung ah ro kan khawn i kan lung zong a um kan ti ngam lai.

Nangmah te in rak i zoh ve, khawi ah dah na lungthin a um? Jesuh Khrih nih cun a rak theih cia tuk caah Vawlei cung ah si loin Vancung tu ah nan chaw va khawng u tiah a ti. Zumtu nih cun kan ro khawnnak ding hmun ttha bik cu vancung khua ah a si. Rungrul le cirik nih an ei khawh lonak le mifir nih an fir khawh lonak hmun ah nan chaw cu va khawng u timi bia hi kanmah caah a ttha mi a si ca ah Jesuh nih a rak chimnak a si.

Kum Thar ca ah biahalnak

Kum Thar ca ah biahalnak

Kum Thar kan phan cang lai, A tu kum cu Kum Thlun ah a cang tthan cang lai i a thar in Kum ai thok tthan cang lai. Kum Thar nih cun kan nun cio ah zuamcawhnak nganpi a rak phurh ttheu lai tiah ka zumh. Cu ca ah kan nun hi Kum thar ca ah kan i thianh hlimh a herh hringhran.

Nang le Kei nih Tukum chung ah kan nung ning kha i zoh tthan a biapi, Zeicahtiah kan hmai in Kum Thar nih a kan hngah ko. Ruahnak le Thinlung thar he kum thar ah lut ding hi a kan zuam cawh tu a si.

Kum hlun lio ah na um dan kha van ruat tthan..Zei nih dah na ngeih an chiat ter? Zeinihdah an lawmh ter? Zeibantuk thluachuah dah na co? Zeibantuk harsatnak nih dah a rak in dawi? Mah vialte biahalnak i hal caan cu a tu hi a si. Zeidah Kum Thar ca ah nai remh hau mi um? Zeidah thazang chuah deuh in na tuah dingmi um? Kum thar caah zeidah nai tinh mi a si? Asiloah mah ning te hin maw Kum Thar zongah um nai timh rih ko?

Nifatin kan nun hi a tthangcho dingmi a si, asinain a tthancho lo tikah ttumchuk nak a nei ti khawh si. Mah cu dirhmun ah kan dir nakhnga lo nawlngeitu cu kan mah kan si. Zeihmanh ruahnak thar, tinhmi thar, lam thar zawh kan i timh lo ah cun, Kum Thar kan phan lai i cu ti cun kum dih tiang kanum hawi ko lai.

Cu ca ah mi nauta na si hlei lo, zeidah ka tuah lai? Kum thar si lai, kum khar chung caan ttha ka ngei, mah hi chungah zeithil ttha hnem mi dah ka chuah pi khawh ve lai timi cu kannunak ah biahalnak nganpi a si. Hi biahla nak hna hi na lung tein i hal tuah, na nun tampi an remh lai ti ka zumh, kei mah lila zong a ka remh taktak...

Pathian nih a fapa ngeihchun pektlak in a sunglawi mi na si

Pathian nih a fapa ngeihchun pektlak in a sunglawi mi na si

Leah cu a pasal Jacob zeitik dah ai tthangh lai ti a ruah ah it kho loin a um lai. Zeitluk in dah a lung re theih hnga. Jacob nih Leah cu Rachel ah a ruah. Asinain Jacob nih ka pu Laban nih a ka hlen ti a thei rih lo. Ka pa nih a hlen hi a theih tik ah teh ti hrawng in Leah cu lungrethei in a um ko lai dah.

Jacob nihcun ka pu nih a ka hlen ti a theih tikah, Rachel co khawhnak ding caah baikam thar an tuah tthan(Gen. 29:25-27).

Zeihmanh si lo mi le a tthabik changtu hrawng lawng ka si tiin nai thei maw? Leah nihcun cubantuk in amah le mah ai thei. Aw..Jacob nih kei hi a ka duh lo ti ai thei. A tha nau tawn. Cucu a fapa upa cem pathum hna min a sak nak ah kan hmuh khawh. Upa cem Reuben cu “fapa ka hmu”, Simeon cu “ theih piak”, Levi cu “pehtlaih” tiah min a sak hna. an min sullam ruah tikah Jacob nih a mah ah duhnak a ngeih lo zia langhternak an si. sihmanhsehlaw hmuansam tein Leah ruahnak cu ai thleng, a fapa palinak Judah cu “thangtthat” tiah a sak. Ka pasal nih hong ka duh lo hmanhsehlaw Pathian nih a ka duhdawt ti a thei.

Kan minung sinak in kan tuah ttuannak zoh in, mi nauta le zei ah rel lo mi kan si men lai, cun mah le mah i bochannak zong ngei kho ti lo tiang in, kan nun hi a ttumchuk tuk ko tiah kan i ruat kho men. Leah nih cun ka pasal nih a duhbik mi ka si lo nain Pathian nih a ka duhdawt ti ai fian tik ah Pathian a thangtthat. Pathian duhdawtnak hi minung hna nihhin a hlawh in kan hlawh kho lo. Zeicahtiah kan tuahttuannak cung ah ai tthum mi a si lo. Rom. 5:8 “asinain Pathian nih cun zeitluk in dah a kan dawt kha hi tihin a langhter: kannih cu misual kan si ko rih lio ahhin Khrih cu kan caah a thi.” tiah Rom cauk chung ah kan hmuh khawh.

Na thanau ti hlah Pathian nih an dawt. Pathian nih a kan hmuhnak ahcun, a fapa ngeihchun hmanh pektlak in a sunglawimi kan si. Haleluiah… Amen.

Nifatin Thlaruarawl

Christmas Ni Sunglawi : Pastor Van Bawi Kam

Christmas Ni Sunglawi

Kum le caan ai her lengmang bang a sunglawi tuk mi le kan i ngaihtuk mi Christmas cu kan hun phan than cang. Christmas caan hi mikip thinlung i hliphlau bik caan le nun a hnin-hno bik caan asi. Mitampi nih cun Christmas ni hi a sawisel le biasiphai lei in a rak i la mi zong um asi tawn. A sinain Christmas Ni hi a dik le dik loah buai loin conglomh awk a tlak mi Van Siangpahrang vulei a ratnak conglomh le thangthatnak Ni tu ah hman ding asi.

Christmas Ni hmanh ah nun ai hlip-hlau kho lomi cu i hlip-hlaunak caan a um hlei tilo. Zeicatiah Pathian Sunparnak nih vuleipi a hninh lio caan asi bantuk in zumlo tu tampi hmanh a tlirh lio hna caan asi. Cu lioah a tlirh chih khawh lomi si cu tih a nung tuk. Mi zeimaw cu zunngeih ruangah Christmas i ngeih kho loin a ummi zong nan um men lai. Asinain Khrih hi ngeihchia mi hna ca hrimhrim ah ara ve tikha rak philh hlah (Lk 4:18-19). Bawipa cu ailawm mi lomhpi awk le zunngai in tuarpi awk caah ara.

Pathian fa le kan caahcun Christmas cu tleihchan lo awk ruam atha loh. Zeicatiah misual umnak vulei ah Vancung rim a nam ni asi. Muihnak vulei ah Van Arfi ceu atlan ni asi. Minung sinah Van Siangpahrang muisam ailangh ni le hmuh khawh ni asi. Vulei nih atheih bal lomi Pathian Vancung mi hlasak thawng athan ni asi. Lungrethei le ruahchannak ngei lomi hna caah Ruahchan nak thawngtha athan ni asi. Sunparnak in a khatmi Van siangpahrang thut-den a kaltak Ni asi. (Luke 2:8-17)

Cucaah thangthat lo-awk atha hrimhrim lo. Cun i lawmh lo-awk zong atha hrimhrim fawnlo. Cucaah thangthat awk a tlak zia a hngal fiangtu poh nihcun Pathian cu thangthat loin an um kho lo. A thangthat lomi cu thangthat tlak asi nak ai fiang taktak lo mi an si. Na nunnak ah Bawipa thatnak na tinco ko ahcun ilawm lo le thangthat loin na um kho hrimhrim lai lo.

Caan ai mer lengmang mi nih minung sining zong a merpi chih ve lengmang. Nihin dirhmun le thaizing dirhmun ai khat lo men lai. Nihin ailawm mi kha thaizingah mitthli he caan ahmang kho men. Cun Nihin attap mi zong thaizing ahcun lomhnak in akhat ve kho men. Cucaah Nihin kan sining hi caan sin ah aliam dih ding an si caah caan tha hi a hman zia thiam a hau i aser tu a hmun mi Pathian ngeih hi abiapi tuk hringhran. Cucaah Christmas nih a duhmi cu Khrih ngeih ding kha asi ko, tukum Christmas cu Bawipa Zisu he kan iton ni le a kan dawtnak kan hngalh ni ah a can khawh nak hnga Bawipa nih thluachuah kan pekpiak hram seh! Amen

chinchiah//Pastor Van Bawi Kam facebook ta copy mi a si

Billy Graham nih Christmas caan ah Jesuh Khrih a lai ah a um khawhnakhnga caah a chim mi rak rel ve

Billy Graham nih Christmas caan ah Jesuh Khrih a lai ah a um khawhnakhnga caah a chim mi rak rel ve

Tukum christmas caan ah pumpak in siseh, khrihfabu in siseh Jesuh Khrih pakhatnak ah chia buin X'mas lawm cio hna u sih tiin Billy Graham nih a chim.

"A zeihlan cem ah, aliamcia kum vialte nakin na chungkhar caah le a hramthawknak khualtlawn caan si ko seh, Jesuh Khrih he. Baibal nih a chim bang in Tuukhal nih Jesuh Khrih an hmuh le cang ka, midang sin ah phuang lo in an um kho lo ee (Luke 2:17)" tiah Billy Graham nih a chim.

Mitampi caah cun Christmas caan hi buaibai bik caan a si. Cucaah zeitindah Jesuh Khrih pakhatnak ah chia in caan kan hman khawh lai?

A pakhatnak ah nifatin in Christmas lawmhnak ding caah caan i ser peng. Nifatin rawl na ei tikah Pathian sin ah lawmhnak bia na chim zungzal, cu bantuk in a ngantuk mi Pathian laksawng a kan pek mi Jesuh Khrih ruang zong ah nifatin in lawmhnak bia chim caan na ngeih a biapi ve. Jesuh Khrih a rak chuahnak kong Baibal rel nak tehna zong in na caan na hman thiam a biapi. Cu hna cu Matthai 1-2 le Luka 1-2 ah na hmuh khawh hna lai.

A pahnihnak ah na hmaizarh tlawmpal a tang mi kha ttha tein zoh law, caan ttha caan duhnung caah na caan pe. Christmas buai maw, pakhatkhat hrang ah timhtuahnak rak ngei cia. Biakinn ah pelh lo tein na vai pumh pengnak nih Jesuh Khrih ah na ruahnak na pek khawhnak lai an bawmh lai tiah a chim rih.

A pathumnak ah hmaikum hrang ruat cia. Ttha tein i ruat cia law tukum nakin caanhman na thiam deuh nakhnga, cu lo cun a rak in awh(fawih)tu rap ah nai thlai rih sual lai.

Christmas phurrit nih mitampi a den hna tikah Christmas caan hman hmanh hi an huam ti lo. US ram ah cu 45% tluk nih Christmas caan hman an huam ti lo, a chan cu phurrit tuk an phurh ruangah a si tiah psychology lei thiamsang hna nih poll pakhat ning in an chim.

Ref:BNC

Nifatin na nun ah biahal nak

Nifatin na nun ah biahal nak

Nifatin na nunnak ah a ho dah bawi a si? Kan nun hi kan mah duh ning a um kho lo. Ruah lo pi ah a liam kho mi nun, ai hrawk kho mi nun a si. Cu tluk a nenno mi na nun kha a ho nih dah a uk?

Kan fimthimnak hna hi a ho sin in a ra mi dah a si? Pathian bia nih cun fimnak hram thawhnak cu ka si tiah a ti. Vawleicung hmun tampi ah mifimthiam hna nih an ton mi rawhral hna cu molhnak, lungretheihnak, mi va nautat, minung hawi cung ah thil tthalo tuahnak le rawhralnak a phun phun hna an si. Cu vialte cu a taktak in an ton mi ko hna, a tong tu hna hi saram an si lo, kan mah bantuk minung an si ve. Kan fimthiamnak hna hi a ho sin in dah kan hmuh mi a si? Hna ngam nak taktak a ngei mi fimnak a si maw?

Kan hlawhtlinnak bawi hi a ho dah a si? Mihlawhtling si hi kan duh dih mi a si. Sihmanhsehlaw hlawhtlinnak taktak cu Pathian sin lawng in kan hmuh khawh mi a si. Minung ruahnak men ah hlawhtling mi si lai hi phan um tak mi a si. Cu bang in a hlawhtling mi kan si ahcun…a ho sin in dah hlawhtlinnak hi kan hmuh ne hnga…rawhralnak lam ah hruai a kan duhtu Satan pa sin lawng in a si ko. Thil tthalo tuah bu zong in hlawhtlinnak hi tlaih khawh a si ko. Sihmanhsehlaw a lem lawnglawng a si. Mi va nautat nak thawng in le mi thil va chuh nak thawng in hlawhtlin khawh a si dawk aw…kha hna pawl kha Satan sin in a ra mi hlawhtlinnak hna an si. Kan hlawhtlinnak hrampi hi kan biak Pathian nung a si ahcun zeitluk in dah a sunlawi hnga.

Kan dam nak hi a ho thawng in dah a si? Kan mah thil ti khawhnak in a nung dam mi a ho hmanh kan um lo ti hi Pathian bia nih a kan chimh mi a si. Sihmanhsehlaw kan mah thil ti khawhnak in a nungdam mi kan tamtuk hi aw…kan taksapum le ruahnak hna hi Pathian dawmhtlaih nak thawng in a cawlcang kho mi a si ti hi nifatin kan i ruah awk hrimhrim a si. A tu bak ah khan a ho thawng in dah na dam? Dam lo te hna hi zeitik caan poh ah kan cung ah a tlung kho mi a si ti hi teh na ruah bal maw? Pum tlamtlinglo sinak te hna hi a tu bak ah ka cung ah a tlung kho ti hi na ruat bal maw?

Hi tlawmpal ka langhter mi ka ruah tikah Pathian thangtthat lo in ka um kho lo..lawmhnak bia chim lawng hi ka ti khawh tawk a si ko. Pathian nih thlauchuahnak kan pek piak ko seh…..

Na Caan A Um Ah Cun Rakrel Ve Khrifa Mi Caah Thazaang

Na Caan A Um Ah Cun Rakrel Ve Khrifa Mi Caah Thazaang

Voikhat cu khua pakhat ah ka um i, ka tak linsa ka khua alum tuk tik ah, ka tak kholh dingin, tiva ah ka lak, cu lio i ka thil hmuh mi cu, Kum 14 hrawng minung cu, Tili laifangah arak um i ka chanh uh tiah a au len khi ka hmuh, ka hei zoh i chanh cu ka duh ngai asi nain, ti ka thiam lo, cu tik ah ka pawng minung cu amah chanh tu dingah ka kawl hna asi nain a ho hmanh kan pawngah an um fawn lo, cu tik ah kei mah cu kal ahau i ti nih le ka thiam lo, cu tik ah mah hngak chia chat ding cun ti ah cun ka thiam lo bu in kai paih, hngakchia cu abaan in ka dawh i har lengmang in ti lengah cun ka chuah pi khawh, ka tha cu abaa tuk i, ka it cu lio ah cun ka lu cungin kailawm tuk tiah aka ti, cu tik ah, bia cu ka hal than zeiruangah dah lawmh bia cu na chim tiah ka hal, aka leh mi cu, ka nunnak na ka chanh i kai lawm tuk tiah aka ti.

Cu tik ah ka leh than mi cu, hihi philh hlah na upat ve tik ah chanh hau mi an um tik ah chanh kho tu le mi chanh tu caah tha hnem santlai na si lai tiah na nunnak hi chanh mi na si tiah ka leh than, Hawidawt Khrih nih amah riantuan tu dingah nang le kei hi anunnak pek in vai lam ah khamh mi kan si, akan khamhnak ruang a um, rethei le harsa mi, bomhchanh ahau mi hna bomh chanh tu ding le amah ahngal rih lo mi hna hngalh ter tu, thlarau tlau mi hna chanh chuah tu ding ah ahmasa ah nang le kei hi chanh chuah hmasa mi kan si, Mah kan sinak hi kan ihngalh aherh i, zeiruangah dah Khrih kha Vailam ah athih ti mizong kan ifiang hi aherh cang.

Ka thiamtawk in kan caah tha hnem santlai asi hnga maw tiah thazaang lak nak caah ka vun in hrawmh hna, carel tu nan za te cungah kai lawm, ka palh nak le ka thiam lo nak tu cu ruahthiam nak he, Hi ca hin tha zang rak la ve.

Zei Hi Dah khrih Cohlan Le Dawt Cu Na Caan Um Ah Cun Rel

Zei Hi Dah khrih Cohlan Le Dawt Cu Na Caan Um Ah Cun Rel

Na caan aum ko ah cun rel ve dingin kan sia herh ngaingai, khirh kan rak thawltawn kan rem lo tawnmi kan rak i hngal tawn lo, ni fa tin kan ton mi thil nih le asi fawn na nunnak ah khrih he na peh tlaihnak ah tha hnem santlai asi hrimhrim lai tiah kan sia herh ve nak asi.

Voi khat ah inka kingh thawng ka theih i innkaa va on ding cun ka tho i inn ka cu ka va on, in ka hram ah cun, in le lo ngei lo, ei awk le din awk ngai lo ke den hmanh anei lo mi nih, ka pawtam tuk rawlei ding nanngei maw tiah aka hal, cu tik ah ka leh mi cu, tu zan cu Pastor te le Rev. pawl rawlhrawn ka au hna i na pawtam ah cun, dawrah va ei ko tiah ka ti i rawlei nak phaisa cu ka pek i ka kal ter, azan cu rawl kan ei dih hnu ah kan it, Rawlei ka sawm mi hna he cun kan it ti hna.

Azan ka mangah cun Jesuh cu amitthli he kan in ka hram ah cun arak ra i, Bawipa zei ruangah na ngeih achiat tiah ka hal i, aka leh mi cu, riahnak in ka ngei lo i, na in ah ka rak in fuh nain, na rak ka donh i, riahnak in le lo thatha anei mi tu na inn ah na riah ter hna, kei cu na ka vah ter than caah ka ngeih achia tuk ee tiah aka leh.

Vulei kan nun chungah ni fatin kan tontawm mi thil an si, khrih nih akan fialmi rian hi kan hrial deuh in kan mah duhnak in khua kan khang tawnmaw, Fapa tlau pa nih apa nih atha ati mi kha aduh lo i, ka pa nih ati ning cu atha lo kei mah ti ning hi atha tiah ati i Fapa kha atlau taktak ve, Rev. chan Thawng Lian nih arak chimmi kha avun lak ta, Pathian nih tuah uh akan ti mi hi kan mah nih mah ti hin atha deuh tiah kan ruahmi nih hin akan tlau ter ve tawn.

Khri nih tuah uh ati mi tuah lo in, kan mah duhnak in kan tuah tawn caah khri duhnak hi kan pial tak tawn, aho dah kan dawtawk asi aho dah, kan bomh awk cu asi, aho caah dah kan cawva kan pek awk asi, zei tin dah khrih rian hi kan tuan awk asi ti hi kan iruah caan asi ko cang, ka tialkhawh mi chungah tlamtling lo ngai ko lai nain careal tu nih ruahzia ka thaim uh law, kan nun ichek than dingin kan sawm hna, mah hi na caah tha hnem santlai asi ve hnga maw tiah.
Keimah;

DL Moody biachim ngai ding in a kal mi pa

DL Moody biachim ngai ding in a kal mi pa

Sibawi thiam sang, cathiam sang pakhat pa cu D.L.Moody bia ngai ding in a kal.. Bia ngaih duh ruang ah si lo in, soiselnak kawl ding in kal mi a si. D.L.Moody bia chim a ngaih tikah a piangthar daih ko.

A hnu ah a chim mi cu..''D.L.Moody bia ngai ding kal mi ka si lo i, ka kal nak a ruang bik cu a tlinlonak kawl i nihchuak ah tuah men ding in a si. Cathiam sang asilo ti ka theih, Cu caah abia chim mi ah el ding mi tampi a um lai tiah ka ruah.. asinain a bia chim mi ka ngaih tik amah D.L. Moody ka hmu ti lo, Bible phen ah ai thup i Bible cang tete cun kuanfang bantuk in mi a kah tik ah ka thinmuru a khen...zohhmanh D.L.Moody i huham cu a kaa in Bible Pathian Bia a chuak mi hi a si" tiah a ti.

Pathian biatak a herhtu nun taktak ahcun Pathian bia an theih mi nihcun a thinlung ah a khenh bak in a khenh hna ee. Kan nih cu Pathian bia an chim mi kha kan innpa pa caah le a kan hruaitu hna ca lawng ah kan rak Amen ee..

Zumtu nih kan ttih lo dingmi pawl

Kan Țih lo dingmipawl (Things that we are not to fear)

A. Milem a silole pathian dang

Milem, pathian dang hrimhrim kan țih ding an si lo. 2 Siangpahrang 17:38 "cun nanmah he ka sermi biakamnak kha nan philh lai lo. Nannih nih pathian dang kha nan ṭih hna lai lo, ". Pathian dang hmaiah kun ding kan si lo, upatnak zong pe ding kan si lo. Khawzing pathian dang upatnak pek a herhnak a um lo. Pathian thinhannak kan ton lo nak hng a zoh zong zoh ding kan si lo.

B. Minung țih ding kan silo

Biatak chim herhnak ah, ahman, dik mi bia chim ding hmanh chim ngam loin minung țih ding kan si lo. Siangpahrang Saul nih a ti sual mi pakhat cu minung a țih nak hi a si 1Samuel 15:24. Phungthlukbia 29:25 "Midang nih zeitindah an ka ruah hnga ti hi thil ṭțihnung a si, sihmanhsehlaw Bawipa i bochan hi himnak a si. "Kan minung hawi nih thangchiat hi țih ding kan si lo, Pathian thinhnanak tuhi țih ding kan si.

C. Leicung vanchiatnak țih ding kan si lo

Vuleicung ah vanchiatnak phunphun kan theih, kan hmuh, Li ai hnih, ral an i do, tilet a tho, thlichia a hrang tbk tampi kan theih hna, an zapitein Khamhtu Jeauh Khrih rat lai ni a nai ter tu an si ruangah kan nih zumtu nih cun țih ding kan si lo. Zumtu țha nihcun hmailei biaceihnak an țih lo (Heb. 10:27).

D. Țihnak hi țih ding kan si lo

Harsatnak le khuaruahharvansannak nih zumlotu pawl cu a țih ter hna (Job 15:24). Zumtu taktak nihcun leicung țihnak pawl hi Jesuh Khrih ah a hlonh dih hna. Na țih phan nak vialte Amah sinah chia dih (1Peter 5:7). Țihnak thianghlim pakhat a tang cucu Bawipa Pathian țihzahnak a si. Caleb Laltinhrem.

Hmanthlak ; Internet

Zei Ban Tuk Nun Zia Dah Na Cawn Rih Lai?

Zei Ban Tuk Nun Zia Dah Na Cawn Rih Lai?

Atu kan caan kan sining. Vulei thawngpang kan rel tik ah thawngtha nak in thawngchia lawngte theih asi cang. Hi vulei hi kan khual tlawnnak ram asi ti hi afiang lo mi hna kan um sual rih lai ti hi ka phangtawn. Minung nih cun kan hrial kho bak lo mi cu sualnak hi asi ko sualman cu thih nak asi. kan hrial khawh lo mi sualnak asi fawn. Atu hi kan ithangh caan asi ko cang.

Abik in hi vulei kan nunnak ah. thiltha tampi kan tuah khawh mi a um cu thiltha kan tuah ah cun kanmah ca lila kha asi ko, Mitam pi cu mi ca that nak kan tuah khawh lo hlei ah. mi ca that lo nak chiat nak tuah kan hmang tawn hi thil cu kan hrial taktak aherh ko cang. mi pakhatkhat caah thatnak kan tuah ah cun cu kan tuah mi thil cu kan sin ah arak kir than i kan ca thatnak achuak ve tawn ko . a tu i photo ka vun langh ter mi khi hei zoh hmanh law. mah khi hngakchia te nih khin asi khawh chungin khi terpa akal kho lo mi akal khawh nak hnga abawmh i acaah atha ngeih dih lak a chuah ve.

Mitam pi cu kan si tawn lo Mi pakhat asan tleih lo nak kha kan hmuh ah cun. kan i thup i kan zam tak tawn hna. abawmh cu chim rih hlah sih asan tlei lo nak kha ilaak riang mang in athang kan chiat chih rih. Kan huat rih hna kan rem hna lo. Mah hi ti hin cun zei tin dah kan biak mi kan pathian cu alung cu kan ton khawh lai ti cu kan iruah ngam rih hnga.

Mah kaa zawn ah hin asan tlai lo mi kha amah ah khan kan ican i amah ban tuk in kan i siter i asan tleih lo nak kha kan bawmh i kan chan chuah ding le kan dir pi ding kha asi mi cu asi. asi nain kan duh lo, mi hmuh ah pathian thangthat nak ah zoh dawh ngai in ka vaa um ter rih mi thleidan kan ngei tihzah deuh mi poh kha panh tein kan chonh hna mi nih mi fim ka ti hna seh ti kan duh.

Hi thil hi khrifa nih kan hrial aherh bik mi asi ko. Kan biak mi kan pathian azoh taktak mi hna nun zoh ah zoh dawh ve ning le minung ruah nak in pathian azoh mi hna nun zoh ah cun thling aza tawn aleng cun an thatnak hi dong lo in chim awk a um ko hlah maw tiah. chung lei cun zoh hmanh zoh ngam lo mi kan tam tuk fawn. Aho poh hi amah thangthat tu ding kan si ti hi kan hngalh dih asi nain. atu kan dir hmun cun pathian thangthat cu chim rih hlah sih kan mah le kan mah hmanh kan i thangthat kho rih lo.

Ho poh hi pakhat le pakhat kan idawt khawh nak ding ah cun. kan kam um mi kha asing ning le aduh nak kha kan hngalh i asi nak kha kan ihrawm i zangder mi kha azaangder nak kha kan bawmh aherh i. tlamtling lo mi kha atlam tling khawh nak hnga asi ning kan hrawmh ve i. Cu hnu cun tlamtling nak ah kan hruai ve awk asi..

Hawi dawt ka tial palh mi tampi um ko lai. aruahzia rak ka thiam hram uh kan nunnak ah thazang thar la ding in kan sawm hna nak asi. Mi chanchuah tu ding ah khri jesuh kan bawipa nih nang le kei akan herh. Tho ve cang uh sih....

Ralrinpeknak cu kanmah ca tthatnak a si

Ralrinpeknak cu kanmah ca tthatnak a si

Hngakchianu ka si caah ka nu le ka pa he ka pi kan va leng. A inn cu electric hri hauka in kulh mi a si. Caw lut hna lai kaw tiah kulh mi a si. ka nu le ka pa kha khua leng ah lente kai celh lai tiah ka hal hna, an hna a tla ko nain electric hri khi cu a tonghin tong hlah mu tiah ttha tein an ka cah ta. An bia ngai loin electric hri cu ka va tongh ai, electric tha nih cun a ka hlonh colh ko. Caw hmanh nih tong hna hlah seh an ti mi nih cun. Ka tlu colh ko. Cu hnu lawng ah ka nu le pa nih ralrin an ka pek mi hi pingpang maw tawng sual lai an ti caah pei a si hi ti ka theih khawh.

Pathian nih hlan lio Israel mi pawl kha Jerusalem ah an duh poh in miphun dang nupi an tthi i milem khuazing an biak kha A hmuh hna tikah cutin tuah lo ding ah bia a cah lengmang hna; zeitintiah A zangfah hna (1Chanrelnak 36:15). Pathian nih profet Jeremiah sin in a tu le a tu bia A cah hna. Asinain, A mi hna nih cun “kanmah duh ning in kan um ko lai” an ti (Jeremiah 18:12). Cu caah Pathian nih Nebukkhanezar kha Jerusalem cu A hrawhter i a chung i mi tam deuh kha a tlaihter hna.

Pathian nih nihin ah na nunnak i na sualnak caah ralrin an pek men ko lai, cuti na si ahcun thazang la ko. Cucu kan caah zangfahnak a ngeihmi a langhter nak a si (Hebru 12:5-6). Amah nih hmailei kong kha A hmuh chung i harnak chung in kan luat nakhnga caah a si. Pathian nih a kan pekmi ralrinnak cu kanmah khamhnak caah a si, kanmah dantatnak caah a si lo. Jennifer Benson Schuldt

Vancung Ro

Vancung Ro

Țha tein an zam lo mi Electric hri ruangah mei a kang i cu nih cun kan saktharmi kan inn kha a kangh chih. Mei nih kan inn cu suimilam pakhat chung ah zeihmanh tang lo in a kangh dih. Voidang, zarhpini ah biakinn in kan inn zoh ah khan kan i thawh. Kan thilti cheukhat pawl cu an rak fir cang.

A tling lo mi kan vawlei ahhin thilri tlau cu a tu le a tut e kan ton ko. Mawtawka hna an fir, tilawng hna an rawk, inn hna an pur i pumpak thilri pawl kha an fir. Inn cheukhat cu ti hna nih a fenh. Cu nih cun Jesuh nih a kan cawnpiak mi vawlecung thilri kha i bochan hlah u, a timi kha sullam a ngeihter ngaingai (Matt. 6:19).

Jesuh nih mipa pakhat cu tampi in chaw kha ka khon lai ti in a timh(Luka 12:16-21). Cu caah nuamte in um dingkha ai tim. Cucaah nuamtein ka um ko lai tiah “ei law, ding law i nuam tuah” tiin a ti. Sihmahsehlaw, cu zan ahcun a thilri le a nunnak cu an lo dih. Cucaah a bia donghnak ah Jesuh nih “ hiti hin pei an mah ca lawng i chawva a khong cuahmah i Pathian hmuhnak i a rum ttung lomi hna cu an si cu” tiah a ti.

Thilri rumnak cu chikkhat ca lawng a nguh. Zeihmanh hi an hmun zungzal lo. Pathian nih midang bawmhnak ca i a timhmi chim ko lo cu! Kan caan le kan ngeihchiah kha thawngtthabia karhnak caah, amah lawng khua a sami va len nak caah, bawmhnak a herhmi hna bawmh cu vancung khua i kan chawnva khonnak lam pakhat a si (Matthai 6:20). – Lawrence Darmani

A nganmi Laksawng co

A nganmi Laksawng co

Zei kan tuah poh ah laksawng pakhat co lai hi mi nih an kan cohlannak le teinak kan hmuhmi, caah kan sa duhthah a si ko. Olympic zuamnka i medal, hlasaknak i Grammy hmuh le Academy laksawng le Novel Prize hmuh tehna hi a ngan deuh mi laksawng an si. asinain, a ngan deuh chinchin mi laksawng pakhat cu mi zei poh nih hmuh khawh mi a si.

Lamkaltu Paul cu kum zabu pakhat lio i lentecelhnak le i zuamnak kong a hngal ngaimi a si. Mi nih teinak hmuh awk ah fakpiin an i zuam. Cu kong ruah bu cun Filipi khua i Khrih a zultu hna kong kha a chim. “Ka caah miaknak i ruah khawhmi cu Khrih ruangah cun sungh cikcek ah ka rel dih hna (Filipi 3:7). Zei caah? Zei caah ti ahcun a lungthin in thil dang pawm kha ai tim. “Khrih kong hngalh kha ka duh. A si, a thawhtthnak le A inmi vialte in ve kha” (Cang 10). Cu caah Paul nih “ hi thil cu ka ta a si khawh nakhnga kai zuam lengmang” a ti (c. 12). Tlik zuamnak i a hmh dingmi laksawng cu “dinnak suiluchin” kha a si (2Timote 4:8).

Kannnih pakhat cio zong nih mah laksawng cu co awkah kan i tim kho ve. Zeitintiah, kan i zuamnak ah Bawipa upatmi kan si caah. Nifa kan rianttuannak ah a nganmi laksawng cu Pathian nih Jesuh Khrih thawng in cunglei nunnak caah A kan kawhnak hi a si (Filipi 3:14). David McCasland.

A tu kan nun lio i Khrih caah kan ttuannak laksawng cu a ra laimi kan nunnak ah kan co te lai.

Ttihnungmi Zuamcawh

Ttihnungmi Zuamcawh

Nik Wallendo nih pe 1,800 a sau mi thirhti pakhat, zung 5 lawng a kaumi cung in Niagara Falls a tanmi kha minung million tampi nih television ah an zoh. A si khawh chung in ai ralring, sihmanhsehlaw, cu thirhri a saunak le a tang i a luangmi tiva pinah ttih a nunnak cu tichum nih a khuahmuhnak a mit kha a phenh, thli nih a thafehnak kha a chem i a hninh leng ah tichum nih thirhri kha a nalter. Mah tluk in ttih a nungmi cungah cun “thla voi tampi ka cam” a ti i Pathian a thangtthat.

Israel mi hna zong nih an har lio caan ah Pathian kha an tthangtthat. Annih cu ralkap tampi kha an ral doh awkah an pumh hna (2Chanrelnak 20:2). Toidor in Pathian sinah bawmhnak thla a cam hnu ah Siangpahrang Jehosafat nih hlaremhbu kha raltuknak lam a hmai in a thlah hna. Cu Pathian a biami hna nih cun “Bawipa sinah lawmhnak bia chim tuah u, zeitintiah a fekmi a dawtnak cu zungzal in a hmun,” (cang 21) tiah hla kha an sak. Cutin hlasak an thawk cangka, Bawipa nih an ral pawl ralkap cu anmah le anmah A tukter hna i A hrawh dih hna.

Mitampi nih buaibainak kan ton tikah, harnak phunphun nih a kan den tikah “kei cu mi vanchia ka si” kan ti tawn. A cheu nihcun pacan kan i cuh i, kan buainak hna cu kan minung sinak in phisin khawh kan i zuam tawn. Mitampi cu harsatnak kan ton lio ah Pathian sin thlacam hi cu kan i chuahpi mi khuaruahning a si lo. Zeicahtiah kan harsatnak konglam le kan himnak ding, kan luatnak ding kong a ruat tuk mi minung kan si caah. Sihmanhsehlaw hi lio caan ah Pathian sin thla kan cam nak nih a kan tthihphaihtu le kan mah le mah kan i bochannak kong ah a kan kilven, kan lung kha a ven.

Ttihnung zuamcawhtu kan ton tikah Pathian sin thlacamnak cu kan thazang taktak a si. Ttihnung zuamcawhtu na ngeihtik ah nangmah fimnak lawng lawng he rak tong ti hlah..thinlungdihlak he Pathian sin thlacamnak ngei bu tein an zuamcawhnak cu cohlang law rak tong ve. Harsatnak hna hi Pathian sinah thla a kan cam tertu ah hmang hna usih… Pathian lei ah kan i pek deuh nak ah hmang hna usih….Pathian tu thangtthat ko hna usih…

A tho tthan mi Siangpahrang

A tho tthan mi Siangpahrang

Mi zei poh an sungh hnu ah a tho tthan mi cu mi nih uar an si. Kum 2001 ah Sports Illustrated Megazine nih a sung cang nain a tho tthanmi hna kong a ttial. Khuaruahhar a simi cu: cu bantuk mi hna lakah Jesuh cu nambar pakhatnak ah an thim. Amah kong cu hitin an ttial “Jesuh Khrih, 33 AD. A kongchia chimtu bia kha zei ah a rel lo; Rom pawl kha a thawhtthannak in an lung a suk ngai hna.”

Zeitluk ttha in dah an theih khawh! Vawleicung ttuanbia ah Jesuh bantuk in thlan cungah teinak a hmu an um lo caah teitu hna lakah number pakhat hmun a co awk a si hrimhrim. Amah a thawhtthannak thawng le midang nih an tluknak in an dir tthannak thawng cu an i lawmhnak a um in a um lo.

Adonghnak ah cun minung kan umnak hi thihak nih a tei. Mipakhat a thih tikah hi vawlei ah a nunnak peh tthan khawhnak lam zeihmanh a ngei lo. Sihmanhsehlaw Jesuh cu cutin a si lo. A zultu hna sinah khan Jesuh nih a ral nih vailam tahnak an an thah lainak le thlan kha a tei i a nun tthan lainak kong kha ttha tein a chimh chung hna. Hi kong cu Matthai chung ah hitin a ttial; “Jerusalem ah ka kal lai i upa hna le tlangbawi ngan upa pawl hna le Phungbia cawnpiaktu saya hna nih harnak tampi an ka pek lai. An ka thah lai i nithum ni ah nunter tthan ka si lai,” tiah fiang tein a chim (Matt. 16:21). Cucu kan Khamhtu sinah a tlung taktak.

Bawi Jesuh Khrih a thawhtthannak nih kan nih zong amah kan zumhnak thawng in thlan cung in thawhter kan si tikah nunnak ah kan kir tthan vet e lai ti kha kan fiang (John 11:25-26). – Vernon Grounds.

“Jesuh cu vailam cung an thah tikah “mah hi a donghnak” tiah mi nih an ruah, Amah Bia cungah zumhnak chia u sih, nan ka zumh ahcun nan thi ti lai lo”-Hess

A lawng mi thlankhur cu kan zumhnak hrampi a si.

Nifatin Thlarau Rawl

Tuahnak nih a thang deuh in a chim

Tuahnak nih a thang deuh in a chim

Lentecelh zuamnak ah teimi ngei ttung lo in amah le amah ai porh lengmang mi pa cungah thin a han tuk caah TV hrilhfiah chitu nih “zei ka tuah lai ti tehna ka chim hlah. Na rak tuah cia mi konglawng ka chim” tiah a ti. Tuahnak hna hi kaa in chimmi naki an thang deuh.

Cu bantuk thil cu Jesuh nunnak ah a lang ngai. Matt. 9 chungah mizeng pakhat kha a sinah an ratpi..Jesuh nih cu “Na sualnak ngaihthiam na si cang” a ti. Phung cawnpiaktu say ate nih cu bia cu an duh lo caah Jesuh nih cu caan lio i biapi a simi bia a hal hna “na sualnak ngaihthiam na si cang” timaw a fawi deuh “Tho law kal tuah ti dah a fawi deuh” (c. 5).

Bialehak cu a fiang ko. Mipa a sualnak ngaihthiam na si cang ti cu a fawi ko, zeicahtiah a sual le sual lo hngalh set a si lo. Cu bia cu tho law kal tuah, ti he ai dang, zeuchatiah hihi cu chikkhatte ah a kong hngalh khawh a si. a ullam cu Jesuh nih sualnak cungah nawl a ngeihnak kha langhter a duh caah mizengpa kha “ tho law, na ihkhun kha i put law inn ah va lawi/ttin” tiah a ti (Matt. 9:6). Mizengpa nih cucu a tuah colh ve.

Jesuhnih a tuahnak kha a chimmi in a bawmh. Kanmah zong cutin kan tuah ve awk a si. Johan nih ka fale hna kan I dawtnak taktak cu thil tinak ah a lang mi a si awk a si”(1Jn. 3:18) tiah a ttial. Kan chim mi bia hna hi a kan ngiatu vawleimi hna sinah kan langhter khawh lawng ah sullam a ngei lai. Bawi Khrih kong kha mi sinah kan phuan tikah kan bia nih an sinah mual a ngeih khawh nakhnga kan bia kha dawtnak le zangfahnak in kan kilh a hau. Zeitintiah tuahnak nih thang a deuh in bia a chim.

Nifatin Thlarau Rawl